كلمات اغنية وكر العصفور (جده غير)

الفيرس (1)

نبدا في الحكايه ونخش بالموضوع تعالوا ناخذ جوله في المدينه السياحيه
مدينة جده غير في المنطقه الغربيه طبعا الحلو مايكمل لو ايش ماصار
والدليل موقف زي الزفت وانا ماشي بـ car كل يوم السياره تخرب واطيح بحفره
وادعي ربي واقول يارب تتصلح بكره وامر من نفس الشارع من بعد سته شهور
والوضع ماتغير والشارع لسا محفور ولا كل ماتمشي شبر لازم تصقع في مطب
ياينفقع عليك الكفر ولا يطير الاصطب غير الاسواق الجديده والزحمه كل مالها تكثر
والشوارع ماتستحمل والمدينه بدات تصغر يعني مو كفايه الواحد زهق من المطبات
حتى قدام بيتك تلاقي زحمة سيارات

الكــــــــورس..

جده جده سيتي مدينه سياحيه مافيها بلديه
جده جده سيتي لو تشوف ع الطبيعه غير الصور الوهميه
جده جده سيتي مدينه سياحيه مافيها بلديه
جده جده سيتي لو تشوف ع الطبيعه غير الصور الوهميه

الفيرس (2)

خلوني اتكلم عن موضوع قاهرني من زمااان عن جده السياحيه المليئه بالغربان
كلامي اليوم حقيقي مافي ولا شئ خاطئ لوكان زحمة شوارع او تلوث الشواطئ
لو منتا مصدق روح شم الريحه عند البحر كانها ريحة كلب ميت لو 16 شهر
يعني مدينه على البحر والمويه فيها تنقطع عشان تجيب لك وايت في الطابور لازم تنلطع
المويه فيها ازمه حتى الشوارع في ازمه حتى السكن هنا في جده صاير مقرف مالو لزمه
لما توقف في الاشاره راح تشوف حجات عجيبه كالعاده الناس بتشحدو بتبيع اشياء غريبه
اللي يبيعلك اللبان واللي يبيع مكسرات صاروا حتى مايخافوا من وجود الجوازات
نفس نفس الشحاد في الاشاره لو سنتين يامكافحة التسول ياناس انتوفين
ا

لكـــــــــــورس..

جده جده سيتي مدينه سياحيه مافيها بلديه
جده جده سيتي لو تشوف ع الطبيعه غير الصور الوهميه
جده جده سيتي مدينه سياحيه مافيها بلديه
جده جده سيتي لو تشوف ع الطبيعه غير الصور الوهميه

الفيرس (3)

تخيل وانت نايم والكهرباء تنفصل ماراح ترجعلك لاتحاول حتى لو انك تتصل
عدد السكان كبير والكهرباء ضعيفه حتى من كثر السكان مابتلاقي اي وضيفه
ويلومولك الشباب اللي عازب واللي عاطل وكل ماتبغى تروحو مكان يقولوعوائل
والمناضر في لشوارع ماتتغير هيا هيا واحد يبيع لك مناشف ولاحجه تدف عربيه
حتى المطار صغير بالقوه يشيل يادوب لو تحسبها بالمسافه تلاقي اصغر من دانوب
بس مايصبرنا على جده الا الناس الطيبين اهل الرخه واهل الشده وع الخير متعاونين
لاتأخذوا على كلامي اني مجرد واحد حاقد هاذا كلام اهل جده كل كلام واحد ناقد
وطبعاً بالنهايه لاحياة لمن تنادي وانا عارف انو كلامي في وادي وانتم في وااادي

الكــــــــــورس..

جده جده سيتي مدينه سياحيه مافيها بلديه
جده جده سيتي لو تشوف ع الطبيعه غير الصور الوهميه
جده جده سيتي مدينه سياحيه مافيها بلديه

» كلمات اغنية عبادي (ناروتو)
» كلمات اغنية كلاش وايريك (غرباوي)
» تعلم كتابة كلمات الراب العربي
» اغنية عباادي ومونستر (آه يا زمن)
» اغنية مسلسل ابو جانتي